Nag-uumapaw na pag-ibig ng Diyos


Kabanal-banalang Puso ni Hesus


John 19:31-37

Sa Dakilang Kapistahan ng Kabanal-banalang Puso ni Hesus, binubuksan tayo sa isang katotohanan na ang Diyos ay pag-ibig; hindi lamang ito pag-ibig sa nibel ng isipan kundi pag-ibig sa mismong nibel ng buhay, nanunuot, nagbabasbas, at namumunga rin ng wagas na pag-ibig.

Mula sa unang pagbasa, sa aklat ni propeta Hosea, ang Israel ay tinuring niyang kanyang anak, pinalaya, pinalakad, at tinuruan.   Ngunit nagdurugo ang kanyang puso sa galit; hindi nakikinig and Israel.   Ano ang kanyang gagawin?  Hindi niya sisirain ang Ephraim.  Sapagkat siya'y Diyos, hindi tao.

Ito ang pag-ibig ng Diyos: kung nakakaranas tayong magkasala, andyan siya upang tayo'y patawarin at patuloy na buhusan ng pag-ibig.  Ang tugon natin?  Paghingi ng tawad.

Ikalawa, ang pag-ibig ng Diyos ay pinaapaw ng Espiritu Santo sa puso natin, kung kaya't nakikilala natin si Kristo at malaman ang kanyang pagliligtas.  Ang pag-ibig ng Diyos ay kasingtulad ni Hesus, ang kanyang paghihirap, pagpapakasakit, kamatayan, at Muling Pagkabuhay - lahat alang-alang sa atin.

Ito ang pag-ibig ng Diyos: nagliligtas!

Ikatlo, sa ebanghelyo, kahit na si Kristo'y patay na, umapaw pa rin ang tubig at dugo, simbolo ng buhay na ginagawad ng Panginoon sa Simbahan sa pamamagitan ng kanyang mga sakramento.  Ang Simbahan mismo, tayong lahat tanda ng nag-uumapaw na pag-ibig ng Diyos.

Patuloy tayong magmahalan, magpatawarawan at magtulungan sa ikasisigla ng lahat sa pananampalataya. 

Comments

Post a Comment

Popular posts from this blog

ngayon isasama kita sa paraiso

Sinambit na ni Kristo ang ikalawang huling salita, "Ngayon isasama kita sa paraiso." Sinabi niya ito sa rurok ng kanyang paghihirap, sa panahong pati ang salaring nasa kanyang kaliwa'y tinutuya siya, "iligtas mo ang iyong sarili pati na kami." Sa krus, nakita pa rin ni Hesus ang dalisay na puso ng kanyang kapwa, "Hindi ka ba nahihiya sa iyong sinabi.  tayo ay nagkasala, ngunit wala siyang kasalanan." Handa na yung isang salarin na siya maparusahan.  Ang tanging kanyang nasambit na lamang ay, "Panginoon, alalahanin mo na lamang ako sa iyong kaharian." May dalawang uri ng pagtugon sa Panginoon.  Yung isa'y nanunuya, nang-iinsulto, sakim, makasarili, namimilit na siya'y iligtas at pagaanin ang buhay, Kahit ang iba'y naghihirap, siya'y hindi. Yaong isa nama'y humigingi ng tawad, mapagkumbaba.  Doon sasabihin ni Hesus, "Ngayon, isasama kita sa paraiso." Yaong isa, naniniwala sa paraisong nilikha ng Diyos noo...
Read more

Pamumunga ni San Josemaria Escriva de Balaguer

Image
Kapistahan ni San Josemaria Escriva de Balaguer Lucas 5: 1 - 11 Maraming bahagi sa buhay ni Padre Josemaria Escriva de Balaguer ang ukol sa pamumunga.  Ito ri'y maaari nating baunin at hangarin ang pamumunga ng buhay natin. Nagsimula ang pamumunga ni San Josemaria noong inordenahan siyang pari noong 1923.  Ganoon na lamang ang kanyang pagkukusang mamunga sa kanyang bokasyon at gampanin ang kanyang papel na alagaan ang mga dukha't maysakit habang siya'y nag-aaral ng abogasya.  Sa kanya itinanim ang binhi ng Mabuting Balita. Ikalawang pamumunga ay noong nilikha niya ang Opus Dei noong 1928 para sa mga nagnanais mamuhay sa kabanalan sa gitna ng ordinaryong pamumuhay.  Maraming naakit sa pamumuhay na ito simula 1928 para una sa mga kalalakihan, pagkatapos ay para sa mga kababaihan na aktibong naglilingkod sa lipunan at sa Simbahan. Ikatlong pamumunga ay noong naging personal prelature ang Opus Dei noong 1943.  Ito'y lubos nang nakakabit sa Simbahan lalo ...
Read more