Inspirations at your Fingertips!

Miyerkules ng ika-15 linggo ng karaniwang panahon Pinasya ng Ama na makita siya hindi sa pamamagitan ng makapangyarihan at marurunong kundi sa pamamagitan ng isang hamak na bata.   Huwag na po nating kainggitan ang makapangyarihan.  Hangging dito lamang sila sa mundo. May isang paanyaya sa ating lahat - ang makita ang tunay - ang Diyos at kanyang katotohanan. Ito'y sa pamamagitan ng mga sumusunod: 1. Kay Hesus - siyang pangunahing pinagkatiwala ng Diyos ng kanyang katotohanan.  At ganap ang pagiging katiwala ni Hesus.  Siya ngayon ang ating daan patungo sa Ama. 2. Pagkakaisa - ganap na pagkakaisa ng Ama at Anak.  Sa kapanahunan ng Israel, may konkretong mukha ang hindi nakikitang Diyos; tignan lamang si Kristo. 3.  Yaong pinagpahayagan ng Anak - binibigyan tayo ng pagkakataong makita ang Ama ayon sa kalooban ng Diyos.  Ang mga sinugo na may puso ng isang alipin ang makakakita ng nais ni Hesus.

Lunes ng ika-26 linggo,  Taon 1 Ang kasiyahan sa isang bata ay hindi kung ika'y umaarteng parang bata kundi ang laman ng iyong puso'y singwagas ng isang bata. Ito ang Sion na tinutukoy ng Panginoon sa pamamagitan ni propeta Zakarias; ang Sion na kung saan itatayo muli ang templo ng Diyos.  Ang Sion ay ang taluktok ng bundok kung saan magkikita ang tao at Diyos; larawan ito ng langit kung saan magkakaroon ng masayang pagtatagpo ng Diyos at ng tao. Ngunit nawa'y taglay natin ang kasiglahan ng mga batang naglalaro; buhay at nagdudulot ng kasiyahan sa iba.  Kailangan din natin pusong payak tulad ng sa bata; hindi mapag-alala sa napakaraming alalahanin sa buhay kundi masaya lamang sa piling ng minamahal.  Tayo'y parating nasa piling ng Diyos; masaya ba tayo? At higit sa lahat, kailangan natin ng pagtalima ng isang bata tulad ng pagsunod ng bata sa kanilang mga magulang at guro.  Bata ang papapasukin ng Ama sa kanyang kaharian; tayo iyon na may puso ng isang ...